Kasua: Bi portatil ditugu bata bestearen ondoan. Bata wifira konektatzen da inolako arazorik gabe eta besteak ez du ezta wifia ikusten ere. Etxean bi portatilak azkar-azkar konektatzen dira. Zergatik izan daiteke? Ba kanalagatik. Wifia 12. kanalean emititzen ari bada portatil batzuk ez dute ikusten. Routerrera konektatuz eta kanala 1.goa jarriz arazoa konpontzen da.

Arazoa: ekaitza egon da eta su-hezi zaharra (aldatzekotan geundena) ez doa, beraz Internet ematen diet su-hezi gabe (badakit hau astakeri galanta dela baina ezin nituen goiz osoa internet gabe eduki ) eta su-hezi berria sartzea erabakitzen dugu. Su-hezi berria frogatu ondoren aldaketa egin eta portatil bati internet ematen dioenez, bukatutzat ematen dut.

Gajua! Ni bai inuxentea! Goiko pisura joan eta ikusten dudan lehenengoari galdetzen diot:

-Internet duzu?

-Ez

-Nola ez? Oraintxe bertan jarri dut.

- Bale, ba elkarrekin  begiratuko dugu.

Berarekin joan nintzen eta ez zeukan Internet. Bale, kableren bat askatu zait, pentsatzen dut behera noan bitartean. Baina errepasatu ondoren kableak ondo daudela ikusten dut eta switchean Internet dago! Ba berriro gora, ikustera zer gertatzen den.

Aurreko neskarengana noa eta ez du Internet. Nola ez, neska honek Windows erabiltzen du, beraz ezer baino lehen berrabiarazten dugu, eta ez doa. Gainera kablea aske dagoela esaten du. Nola izan daiteke?

-Goizean internet zenuen?

- Bai, irratia entzuten egon naiz, eta gainera ez naiz hemendik mugitu.

Bale, ba kableak errepasatu ondoren ikusten dugu nola kablea zihoan  kutxa pixkat aske zegoela, eta paretaren kontra jartzean Internet itzuli zen.

Nola izan daiteke kutxa hori (lanean ibiltzen diren tokietatik urrun dagoena) bapatean mugitzea? Eta zergatik hemen dauden erabiltzaile guztien artean ezin nuen Internet zuen batekin topatu?

Dokumentu Akzioak